بقعة واحدة ، لسان واحد ، سماء واحدة ، والبحث عن الاتفاق الجوهري

.

الخميس، 18 مارس 2010

بالبلاش...!

By 8:06 م
السلام عليكم ورحمة الله وبركاته




وصلك خبر ؟


خبر ؟ ما وصلني شي خبر شنو في


ما وصلكش خبر انهم ايوزعا في حاجات بلاش


وين بلاش ولمن يعطو فيهن خلي نمشو ناخدو حصتنا


ايه نمشو ناخدو حتي نحن


مش نعرفو شن هو الي يوزعو فيه


راجي نسالو


الو كيف الحال ويش الاخبار كيف حال جيرانكم ؟


قتلك بدو ايوزعو ؟


باهي نحصلو منهم ولا ؟


باه بارك الله فيك ما قصرتش


قولي شن الي يوزعو فيه ؟


باه باه بارك الله فيك لا تمام


اليوم العشية بيبدو يوزعو وكل واحد بيعطوه قرطاسين


شن قرطاسين ؟


كيف شن قرطاسين ؟ قرطاسين رياضي. هي نمشو ناخدو حصتنا


حصة شنو انت ما ادخنش! شتبي ماشي ؟


تي ايوزعو فيها بلاش وتبي نسيبوها؟


باهي خلي الي محتاج ياخد مادام انت ما ادخنش


وحياتك مادام بلاش ما نفوتوها مش خير منا الي بياخدو


شكرا

6 التعليقات:

Meme يقول...

ياترى هي طبيعة بشريه و لا صفة مكتسبة؟يعني لو لقينا روحنا في نفس الموقف حنتصرفو بنفس الطريقة؟
نهارك سعيد

Heba يقول...

هههههههههه ... شر البلية ما يضحك

يومك سعيد

bumedian يقول...

السلام عليكم ورحمة الله وبركاته

اهلا بك اختي ميمي جئتي اهلا و تصفحتي سهلا ...

ربما يكون تفضيل الحصول على شيء بالمجان طبيعة بشرية لا يكرهها احد ... ولكن ان ترغب فيما ليس لك و لست بحاجة اليه في حين تعلم ان اخذك له سيحرم من هو بحاجة اليه تلك امور يكتسبها الانسان بانانيته و تربيته و عيشه في طبيعة انتهازية تعتمد على مبدأ الغنيمة ... بحيث انه ان لم يأخذها ستؤخذ منه ... كم يربي ابنائه على مبدا ان لم تكن ذئبا اكلتك الذئاب ... و غيره

وجدت في نفس الموقف مرارا ... ولكنني لم اتصرف كذلك بفضل من الله ... فقناعتي بما املك تفكيني بانني لست بحاجة الى ما يمكن ان لا يفيدني و انه يمكن ان يفيد غيري ممن يتهافتون عليه ...

نهارك اسعد يا رب ..

شكرا لك

وفقك الله و ادخل السرور الى قلبك

خالص تحياتي

bumedian يقول...

السلام عليكم ورحمة الله وبركاته

اهلا بك اختنا هبة :)

ارى انك ابتسمتي و اسعدني ذلك :)

اسعد الله يومك و هنأكد بما يحب ويرضى

شكرا لك

خالص تحياتي

elekomm - إليكــم يقول...

السلام عليكم


شر البلية ما يضحك....هههههه

لا ادري إن كانت هذه قصة واقعية أم لا ، ولكن حدثت أمامي في صغري أكثر من مرة عندما كانوا يوزعون الدخان في الجمعيات بأسعار تكاد تكون رمزية، والجميع المدخن وغير المدخن (الا من رحم ربي ) يتهافت على شرائه

دائما لك أسلوب مميز في طرح الافكار ...

سلام

The Moon يقول...

السلام عليكم

للأسف هذا واقع الحال والذي نراه ونتصرف مثله دون وعي منا أو تفكير
وهنا يكون من الواجب علينا التوقف لمجرد لحظة سريعة لم نفعل ذلك عندها فقط سنجد أننا سرنا في درب آخر نجد فيه حاجتنا لا حاجة غيرنا لنأخذها

بالغ تحياتي وتقديري